Tidlegare verkstader
Vi har testa mange ulike verkstader i pilotfasen saman med kunstnarar frå heile landet. Frå hausten 2023 har vi holdt til i Da Vinci-rommet i Torghallen i Ålesund sentrum.
Sjå lenger nede kva elevane har lært!
Vår 2025
Verkstad: Stopp, flytt - skap noko nytt!
-
Elin Grimstad er animatør, forfattar og musikar med fleire utgjevingar bak seg.
Elin studerte animasjon ved Bath Spa University og på Norsk Barnebokinstitutt. Ho har drive sitt eige glasbord animasjonsstudio; Grimfilm i Oslo sidan 2004. Ho har òg bakgrunn som musikar, og har medverka på fleire album. No bur ho og har sitt virke på øya Giske.
Filmen Evige Jaktmarker vann Gullduen for beste animerte kortfilm under Leipzig Dok International Filmfestival i 2016. Bildeboka Månen som ville lyse som ei sol (Samlaget), kom ut i India på tre indiske språk.
Elin har jobba med animasjonsfilm i møte med scene og figurteater, med erfaring frå både tekstarbeid og illustrasjon/ animasjon for scenekunst og musikk. Dei siste åra har ho blant anna samarbeida med Oslo Nye Teater.
Ho har også vore med i teaterframsyningar som utøvar og musikar, og har turnert i 15 år i Den kulturelle skulesekken over heile landet. Også med eiga framsyning Universet, eit musikkspel med animasjonsfilm.
I tillegg til eigen produksjon har Elin brei erfaring med kursverksemd og formidling for barn og unge. For tida jobbar Elin med prosjektet «Regndropelandet», kommande bildebok og modellteater framsyning.
-
Ilona er utdanna arkitekt og har mastergrad i pedagogikk. Ho held til i Kragerø og arbeider med papirskulpturar, dukkedesign og figurteater. Ilona elskar pop-up og ideen om å bruke eit vanleg daglegdags materiale og gjere det om til noko ekstraordinært. I Ilona sitt Papirteater blir ei bok forvandla til ei teaterscene takka vere pop-up-teknikken. Historier blir fortald med papirdukker.
Ilona har hatt oppdrag for DKS i Porsgrunn og Tønsberg. I Kragerø har ho hatt oppdrag for skuler i 10 år. Frå 2020 har Ilona laga tre ulike opplegg som Pop-up teaterlaboratorium. Kvar av dei inneheld ei førestilling og ein verkstad. Rødhette og Gullfisk blei vist til alle 2.klassingar i Kragerø.
Ilona har rik arbeidserfaring som er alt frå dukkemakar for Latvisk statsdukketeater til å halde teaterkurs på OsloMet.
I verkstaden “Stopp, flytt - skap noko nytt!” fekk elevane utforske animasjonsfilm og figurteater i kombinasjon. Elevane fekk prøve seg på å vere figurmakarar, animatørar og figurspelarar - alt på ein og same dag. Film og figurspel kom så saman i ein spesiallaga scenografi.Eit av måla var å oppdage nye teknikkar innan forteljarkunsten.
Barn bruker i dag mykje tid på skjerm. Korleis “her og no” møter det som er fast på skjermen, er interessant å tenke over.
Kunstnarane ønska å skape ei bevisstgjering rundt korleis ein film kan manipulere røyndomen og tidskjensla.
Elevane brukte vanlege gjenbruksmateriale til å lage figurar og filmbakgrunnar. Slik blei det kreative arbeidet vidareført inn i kvardagen til barna.
Haust 2024
Verkstad: Akademiet for superkrefter!
-
Hilde Rosenberg Bamarni arbeider som bildekunstnar, hovudsakleg som grafikar og ho kombinerer silketrykk med maleri og teikning på treplater, lerret, plexiglass, samt på papir.
Bildeuttrykket startar med fotografi som ho tek på sine reiser, og av modellar. Bamarni tek med seg utsnitt frå mange ulike settingar og skapar scener og samansetningar av inntrykk, tankar, minner og draumar. Gjennom manipulasjon og bearbeiding av ei fotografisk sanning, framkallar ho sine historier og minneforteljingar i kunstverka sine. Desse er uttrykk for hennar opplevingar, tankar og kjensler rundt det å være menneske og vår relasjon til omverda. Bamarni sin fargebruk og grafiske uttrykk minner om pop art og populærkulturen.
-
Eldrid Schrøder Kvalvik jobbar som regissør, dramatikar og teaterpedagog. Ho er særleg interessert i prosjekt som blandar etablerte og uetablerte utøvarar og den synergieffekten som oppstår i dette møtet.
Eldrid arbeidar ofte med andre kunstarter som lyd, rørsle og visuell kunst. Dei siste åra har ho mellom annet hatt regi på Play Alter Native (musikal ved Ålesund VGS.), Giskespelet 2019, Hair 2020 (musikal ved Molde VGS) KANON (performance/Høstscena) og Skumringstimen (Teatret Vårt).
I verkstaden «Akademiet for superkrefter» fekk elevane vere deltakarar i eit fiksjonsunivers gjennom leik, rolleutforsking og visuelle uttrykk. Dei fekk lære teknikkar innan både drama og silketrykk av agentane professor Trykk og professor Futt.
I forkant av verkstaden fekk klassen tilsendt ein kort video frå kunstnarane og eit viktig oppdrag!
Vår 2024
Verkstad: Høyr, ta, reis – ei reise gjennom keramikk og musikk
-
Kristian fra Ålesund, bosatt i Oslo og er komponist og musikar som arbeidar med ny musikk, elektronisk- og improvisasjonsmusikk. Han jobbar med notasjon, el-gitar, feltopptak, klangar frå naturen, flerkanalslyd, programmering og sampling.
Kristian arbeidar ofte tverrkunstnarisk med kunstnarar innan biletkunst, koreografi, dans og film. Han har sin bakgrunn frå Norges Musikkhøgskole (MA), University of Surrey (MA), Berklee College of Music (BA) og musikklinja på Fagerlia vgs. Lokalt har han skrive musikk for og samarbeida med bl.a. Ålesund Strykekvartett, Stian Omenås og komponert musikk for Fagerlia vgs. sitt 150-års jubileum.
Han har jobba med musikarar og kunstnarar som Audrey Riley (UK), Pauline Oliveros (USA), Maja Ratkje, Christian Wolff (USA), Kjartan Kristiansen, Katiana Pena (BR), Maria Sundby og Anderson Carvalho (NL).
-
Lissette Escobar er født og oppvokst i Lima, Peru. Ho flytta til Noreg i 2007 og arbidar i dag i Ålesund-området. Gjennom keramiske gjenstandar og skulpturar utforskar ho forestillinger om tilhørighet og kulturelle forbindelser. Ofte inspirert av keramiske gjenstandar og pre-Inka arkeologiske funn fra Peru.
Escobar er utdanna med BA (2013) og MA (2016) frå Kunsthøgskolen i Oslo (KHIO). Ho har deltatt på ei rekke gruppeutstillinger ved Galleri Ram, Kunstnerforbundet, Oslo, Patrick Parrish, New York, Tou, Stavanger. Og har hatt solo utstillingar ved Kraft, Bergen, Galleri Format og Norske Billedhoggerforening, Oslo. Ho har blitt tildelt ei rekke stipend, i 2018 fekk hun diverse-stipend for nyutdanna kunstnarar frå Kulturrådet (2018-2020).
I denne verkstaden fekk elevane arbeide med leire, tekst og musikk ein heil dag! 5. klassingane blei med på ei reise i ulike kunstnariske teknikkar, satt saman til nye uttrykk. Kunstnarane ønskte å skape og formidle ei oppleving gjennom erfaring, utforsking og leik. Lissette og Kristian viste korleis ting som ikkje høyrer saman kunne høyre saman likevel. Bakgrunnen til kunstnarane har gjort dei undrande og nysgjerrige på å utforske sansane, det taktile og å lytte.
Haust 2023
Verkstad: Rastlaus stillheit – ein uvanleg duett
-
Tonje er ein rørslekunstnar frå Ålesund. Ho uttrykk seg gjennom kroppen. Med fleire år som profesjonell utøvande dansekunstnar har ho fått uttrykt seg i mange sjangrar på fleire scener, i forskjellige land med forskjellige kulturar. Alt frå ei sirkusframsyning i ei sandkasse til ein Opera i DNO&B. Det som interesserar ho er å leike med forskjellige stilar, uttrykk og rørslemateriale. Ho er medskapande utøvar på dei fleste prosjekt ho er involvert i, og har koreografert for både profesjonelle og amatørar.
-
Silvia er ein figurativ kunstnar som er utdanna i den russiske skolen av klassisk maleri i Firenze. Fokuset hennes er komposisjonar med figurar og landskap. Med ein levende fantasi utvikler ho sentimentale maleri, som minner om ein del av ei historie eller eit eventyr. Hennes maleri viser uuttalte kjensler mellom penselstrøka, og øyeblikk som er usynlig for dei fleste, men som viser menneskets indre verden. Blant anna er ho ein lidenskapeleg landskapsmaler, og jobber med plein air malerier i Ålesundsområdet.
I denne verkstaden fekk elevane først sjå dei profesjonelle kunstnarane i aksjon. Tonje dansa og Silvia fanga opp rørslene gjennom skisser på papir og lerret. Elevane blei så delt inn i to grupper der eine blei vist metodar for å danse/bevege seg, og den andre fekk teikne og lage skisser. Deretter blei det laga koreografi utifrå skissene. Dei avslutta med eit gruppearbeid der dei mala rørsler i stort format.